عدلي القيعي يفتح النار على لاعبي الأهلي.. رد في الملعب بدل ما تتقمص
عدلي القيعي يفتح النار على لاعبي الأهلي، قام عدلي القيعي رئيس شركة كرة القدم بالنادي الأهلي، بمهاجمه لاعبي الفريق وذلك بعد التعثر أمام سموحة بالدوري
ووجه القيعي رسائل هامة للاعبي الفريق، وذلك بسبب تراجع الأداء خلال الفترة الماضية، بالدوري المصري على الرغم من تصدر الأهلي لجدول الترتيب.
عدلي القيعي يفتح النار على لاعبي الأهلي
وقال القيعي خلال حديثه عبر قناة الأهلي: “المواعيد الكبرى يبقى التركيز عالي طب ما التركيز يبقى عالي في الماتشات اللي انتوا شايفينها سهلة، مفيش ماتش سهل كأس العالم ادانا دروس بس الرسايل موصلتلناش مفيش ماتش سهل”.
وأضاف: “مفيش فريق كبير مخسرش من فرق لم تتأهل الأرجنتين من السعودية فرنسا من تونس المغرب طلعت اسبانيا وطلعت البرتغال يعني لما تقول قبل البطولة المواجهات دي صعب تتوقعها لكن دي كرة القدم المجتهد ياخد نصيبه والمتعالي والمتراخي فاقد الشغف ملوش مكان”.
مران الأهلي اليوم استعدادا لمواجهة سيراميكا كليوباترا في الدوري #Alahlytv 📺 pic.twitter.com/ZpZOb2jx0W
— Al Ahly TV – قناة الأهلي (@AlAhlyTV) December 26, 2022
وأكمل: “اللي قدامك متحمس.. الكورة دي علشان انا راجل مهاري هبقى متفوق؟ طب لو الكورة موصلتلكش محدش هيشوف قدراتك هتبقى احسن مني في ايه؟ لأن انا متحمس اوي وانت شوية حاسس ان مين اللي قدامي ده؟ اذا لعبنا بالمفهوم ده هقطع عليك ماية ونور وانت هتطلع من الماتش هيتقال مجاتلوش كورة.. الكورة دي فيها فلسفة الحياة مفيش حد لا يملك قوة ما”.
وأتم القيعي حديثه: “ردوا على الناس دي كلها بدل ما تتقمص ومتروحش تسلم على الجمهور لا جيب جول ورد في الملعب الناس بتحب اللعيبة ليه؟ حاسين انهم متفاعلين معاهم لكن لو انت خدت ان تشجيعي ده حقك المكتسب ومش من حقي اني ازعل منك هترتكب غلطة هنا اتحدث عن النجوم مش اللعيبة الكويسة النجم يتحمل الضغوط”.