أكد ضياء السيد، مدرب منتخب مصر السابق، عن فضل النادي الأهلي عليه، خلال مسيرته المروية داخل جدران النادي.
وتحدث ضياء السيد عبر تصريحات تلفزيونية مع الإعلامي الشهير أحمد شوبير قائلًا: أنا موقفي منطقي ، أنا دخلت النادي الأهلي سنة 74 ، ولعبت من بداية مدرسة الكرة حتى 21 سنة وبعدين كملت في الدرجة الأولى.
وأضاف: كل الناس الموجودة في الإدارة أنا زميلتها ، كابتن الخطيب ده أنا اتشرفت اني كنت زميله سواء كلاعب ، وحتى لما كان مشرف كنت أنا مدرب في الأهلي ، فا أنا بشوف اللي بيحب النادي الأهلي عمره ما يختلف عشان شغل جوه النادي .
وواصل: النادي الأهلي هيستوعب جمهوره كمشجعين لكن عمره ما هيستوعب ان كل الأجيال اللي فاتت عشان تشتغل في النادي .
واستمر: وبعدين ما احنا بعد ربنا اتجوزنا بفضل النادي الأهلي ، خدت مكافأة النادي بتاعة الدوري والكأس وروحت اتجوزت ، وركبت عربية منين مهو من النادي الأهلي.
وواصل: من أيام جاتلي دعوه من الشيخ حمد أمير قطر عشان حضور كأس العالم مكتوب فيها لاعب النادي الأهلي السابق. ،
وأختتم ضياء السيد تصريحاته قائلا : مهو كل ده خير النادي الأهلي علينا.
