مسلسل كريستيانو رونالدو (3) | مانشستر يونايتد ونقطة التحول

يقدم لكم موقع بالجول خلال شهر رمضان المبارك قصة حياة البرتغالي كريستيانو رونالدو بشكل سردي مختلف يمزج بين الفصحى والعامية الدارجة، ونتعرف كل يوم خلال الشهر الكريم على اجزاء من حياة الدون ونعيش معه أهم لحظاته، فرحته، ومعاناته، نشوته، وكسرته في حلقات منفصلة يومياً.

رونالدو يجلس مع والدته دولوريس ويسترجع ذكرياته، ويشاهد لقطات من حياته على فيديو قديم له أثناء قضائهم فترة الحجر الصحي في البرتغال بسبب فيروس كورونا

رونالدو: مش قادر أنسي أول مرة لعبت في النادي كرة القدم كان مركز شباب أندورينها فضلت فيه موسمين وبعدين انتقلت لناسيونال ماديرا في سنة 1977 كانت ذكريات جميلة.

إقرأ أيضاً: مسلسل كريستيانو رونالدو (2) | وراء الأسطورة امرأة عظيمة

دولوريس: كان عندك حوالي 8 سنين الموهبة محتاجة تدريب عليها من وأنت سنك صغير عشان تلاقي فرصة كويسة لما تكبر.

رونالدو: فعلاَ يا ماما صغر سني فرق في إنجازاتي وفي حياتها كلها لما كبرت شوية ورحت نادي سبورتينج لشبونة ولعبت قصاد مانشستر يونايتد كانت نقطة التحول بالنسبة ليا سنة 2001

دولوريس تضحك : كنت عامل زي المجنون من الفرحة أن فيرجسون مدرب اليونايتد معجب بيك بالرغم انك كان لسه عندك 16 سنة بس موهبتك هي اللي لفتت نظر أندية كتير ليك.

إقرأ أيضاً: مسلسل كريستيانو رونالدو (1) | معاناة طفل

رونالدو يضحك: أكيد يا ماما ده يعتبر أول نجاح ليا ، اليونايتد فريق كبير وكان نقطة التحول في حياتي أنتي مش متخيلة انهم يطلبوا ضمي قصاد12 مليون جنيه إسترليني في 2003 كان رقم كبير جداً وقتها وكان لسه عندي 18 سنة كانت نقلة جامدة.

https://www.youtube.com/watch?v=jfzap6flcC4

دولوريس: اول مباراة ليك مع مانشستر فرحت قلبي أوي لما لقيت الجمهور بيرحب بيك وبيصقف وفاز فريقك 4-0 وانت كنت طاير من الفرحة.

رونالدو: هدفي الأول ضد بورنموث ليه أحساس تاني وسط الجمهور الكتير اللي مستنيه منك أهداف اكتر وبتشجعك وجبت هدفي التاني في نفس الموسم في كاس الاتحاد وكان أول لقب مع النادي الإنجليزي، سنة 2004 من التواريخ المهمة ليا لعبت مع البرتغال في كاس الأمم الأوروبية وسجلت جول للمنتخب, دي لحظات اللاعب بيحسها مش بتتقدر بثمن.

إقرأ أيضاً: جميع حلقات مسلسل كريستيانو رونالدو