مسلسل ليونيل ميسي (3) | الفراق وتهديد ريال مدريد
يقدم لكم موقع بالجول خلال شهر رمضان المبارك قصة حياة الأرجنتيني ليونيل ميسي بشكل سردي مختلف يمزج بين الفصحى والعامية الدارجة، ونتعرف كل يوم خلال الشهر الكريم على اجزاء من حياة البرغوث ونعيش معه أهم لحظاته، فرحته، ومعاناته، نشوته، وكسرته في حلقات منفصلة يومياً.
المشهد الثامن
ليل داخلي – منزل ميسي
سيلينا بصوت متقطع : أناا ، أنا مش موافقة على فكرة السفر دي يا خورخي.
ليه ، دي فرصة و جاتلنا على طبق من دهب، عايزانا نضيعها؟
إقرأ أيضاً: مسلسل ليونيل ميسي (2) | أبواب السماء تفتح من بعيد
لا ، أنا مقلتش كده ، استنى بس يا خورخي ، انت الفلوس بس أثرت على تفكيرك، مش معقول هنسيب حالنا و حياتنا كلها هنا و نسافر هناك بلد تانية وقارة تانية و ناس تانيين خالص علشان حاجة إحنا مش عارفين إيه اللي ممكن يحص..
خورخي يقاطعها: بس ما تكمليش، وجهة نظرك دي خليها لنفسك، أنا شايف الموهبة في ليو و مش هسيبها تروح على الأرض، عايزة تيجي معانا أهلا و سهلا مش عايزة انتي حرة، هنسافر هنسافر.
و يرحل خورخي مع ليو والعائلة إلى إسبانيا لتبقى والدته في الأرجنتين متمسكة برأيها في عدم الرحيل.
و يحصل ميسي على جرعات الدواء الموصوفة له أثناء تواجده في أكاديمية لا ماسيا حتى جاءت لحظة مشاركته مع الفريق الأول.
المشهد التاسع
ليل داخلي – الملعب
المدرب الهولندي فرانك ريكارد يستعد للدفع بميسي في أول ظهور له مع برشلونة في 2003، ابن الـ 16 عاماً سيلعب لأول مرة بقميص الفريق الأول في لقاء ودي ضد اسبانيول.
ريكارد : جهز نفسك يا ميسي عشان هتنزل تلعب
بجد يا كابتن؟!
آه ان شاء الله هتلعب قوم سخن شوية..
و يدفع ريكارد بالفعل بميسي الذي قدم أداء جيد في الميدان دون أن يسجل أهداف.
المشهد العاشر
ليل داخلي – الملعب
قبيل انطلاق مباراة ألباسيتي في 2005 في مسابقة الدوري الإسباني..
ريكارد : ميسي ، انت هتلعب النهاردة ، هتدخل بديل في الشوط التاني، دي أول مرة تلعب مباراة رسمية، شد حيلك يا بطل.
متقلقش يا كابتن ، إن شاء الله هشرفك.
و ينزل ميسي لأرض الملعب ويسجل أول هدف له بقميص برشلونة في مباراة رسمية بطريقة رائعة بعد صناعة مميزة من النجم البرازيلي رونالدينيو.
أداء تاريخي جعل ميسي يكتسب ثقة كبيرة داخل الكامب نو ويبني عليها المجد في الليالي القادمة.
المشهد الحادي عشر
ليل داخلي – ملعب الكامب نو
ميسي ينجح في تسجيل أول هاتريك في مسيرته مع برشلونة و ما جعله معشوقا لدى جمهور البارسا أن ثلاثيته جاءت في شباك الغريم التقليدي ريال مدريد.
بعد المباراة .. ميسي في غرفة الملابس يتلقى التهنئة من الجميع…
ليونيل : اتقلوا بس هم لسه شافوا حاجة، ده لسه اللي جاي هيخليهم في الأرض!
