مسلسل كريستيانو رونالدو (4) | بداية الإنجازات
يقدم لكم موقع بالجول خلال شهر رمضان المبارك قصة حياة البرتغالي كريستيانو رونالدو بشكل سردي مختلف يمزج بين الفصحى والعامية الدارجة، ونتعرف كل يوم خلال الشهر الكريم على اجزاء من حياة الدون ونعيش معه أهم لحظاته، فرحته، ومعاناته، نشوته، وكسرته في حلقات منفصلة يومياً.
رونالدو يجلس مع والدته دولوريس ويسترجع ذكرياته، ويشاهد لقطات من حياته على فيديو قديم له أثناء قضائهم فترة الحجر الصحي في البرتغال بسبب فيروس كورونا.
إقرأ أيضاً: مسلسل كريستيانو رونالدو (3) | مانشستر يونايتد ونقطة التحول
دولوريس: بس أنت أثبت نفسك يا رونالدو وتستحق ثقة اليونايتد أنهم يوقعوا عقد معاك خمس سنين قصاد 31 مليون جنيه إسترليني وبدأت تسجل أهداف كتير على ما أفتكر 42 هدف كان رقم قياسي في البريميرليج وقتها.
رونالدو: الأجمل من كدا أول كرة ذهبية فزت بيها سنة 2009 وتحقيق لقب دوري أبطال أوروبا وأفضل لاعب من الفيفا احساس بالسعادة لا يوصف، الألقاب دي يا ماما هي اللي بتحسس الانسان بقيمة تعبه.
دولوريس: أنت مجتهد واشتغلت على نفسك كتير يا كريس وتحديت مصاعب كتير بالرغم من انك كنت مشغول بتعبي بسرطان الثدي ومرض ابوك بسبب كتر شرب الخمرة
إقرأ أيضاً: مسلسل كريستيانو رونالدو (2) | وراء الأسطورة امرأة عظيمة
رونالدو: كنت قلقان عليكم اوي بس أنا عارف يا ماما انك قوية، اللي كان مزعلني ان بابا مش راضي يتعالج ولا يدخل مصحة وفي الاخر مات بسبب رفضه بس أنا كنت بحاول أركز في الكورة علشان أفرحكم واخفف عنكم.
دولوريس: بس أنت كنت زعلان علشان خسرتم نهائي يورو 2004 مع المنتخب بس في 2006 وصلكم للمربع الذهبي كان انجاز كبير .
رونالدو: تحقيق الفوز لبلدك مهم جداً، اللاعب بيحس ان ناقصه حاجة يا ماما لو محققش إنجازات مع منتخبه.
دولوريس: بس أنت في الوقت ده يا كريس كنت صغير في اول العشرينات وبداية مشوارك فأكيد المشجع بيزعل على خسارة بلده ما بالك اللاعب .
إقرأ أيضاً: جميع حلقات مسلسل كريستيانو رونالدو