مسلسل ليونيل ميسي (4) | الدجاجة تبيض ذهباً
يقدم لكم موقع بالجول خلال شهر رمضان المبارك قصة حياة الأرجنتيني ليونيل ميسي بشكل سردي مختلف يمزج بين الفصحى والعامية الدارجة، ونتعرف كل يوم خلال الشهر الكريم على اجزاء من حياة البرغوث ونعيش معه أهم لحظاته، فرحته، ومعاناته، نشوته، وكسرته في حلقات منفصلة يومياً.
المشهد الثاني عشر
ليل داخلي – ملعب الكامب نو
أيقن كل من رأى ميسي في تلك الليلة أنه أكثر من مجرد لاعب موهوب يتمتع بإمكانيات مميزة، ليو فعل ما لم يفعله أحد من قبل في الدوري الإسباني وذكر الجمهور بدييجو مارادونا.
إقرأ أيضاً: مسلسل ليونيل ميسي (3) | الفراق وتهديد ريال مدريد
نعم كان هدفا أسطوريا سجله ميسي في مرمى خيتافي في الثامن عشر من أبريل 2007، هدف مازال يتذكره الجميع رغم مرور أكثر من 13 عاماً على تسجيله و يصنف ضمن قائمة أفضل أهداف ليو في مسيرته الكروية.
و سجل ميسي الهدف بطريقة مارادونا في مونديال 86 بعدما راوغ كل من واجهه من لاعبين و حارس مرمى بداية من منتصف الملعب أمام خيتافي في كوبا ديل راي.
منذ تلك الليلة أدرك المسؤولون في برشلونة أن ميسي سيكون الدجاجة التي ستبيض ذهباً في النادي خلال السنوات القادمة.
ميسي بعد المباراة يتحدث مع اللاعبين بعد يومين في غرفة الملابس..
المدرب : رهيب يا ميسي رهيب، انت بدأت الحكاية بدري أوي كده، خلي بالك انت كده بتفتح سقف الطموح للجمهور و عايزك تكون قد التحدي ده.
متقلقش يا كوتش أنا قده ان شاء الله ، دي حاجة بسيطة، لعب الكورة بالنسبة لي زي أكل شيكولاتة لذيذة، بستمتع باللي بعمله لأقصى درجة ممكنة.
المشهد الثالث عشر
نهار داخلي – الكامب نو
رئيس النادي : شكرا ريكارد كتر خيرك لحد كده.. الإدارة متشكرة ليك على الفترة اللي فاتت ونتمنى لك التوفيق في الفترة الجاية.
خلاص هتستغنوا عني بعد كل اللي فات؟
إقرأ أيضاً: مسلسل ليونيل ميسي (2) | أبواب السماء تفتح من بعيد
الجمهور مبيرحمش يا فرانك و انت سيد العارفين، كل الناس بتتكلم و تنتقد و الصحافة مبتسكتش، احنا معملناش حاجة السنة و محققناش بطولة واحدة توحد ربنا.
الرئيس : الدوري و راح لريال مدريد و الكاس فاز بيه فالنسيا و في دوري الابطال طلعنا قدام مانشستر يونايتد ، معادش فيه حاجة نقدر نقدمها و للأسف ده قرار نهائي.
ميسي كان يسير بجوار مكتب الرئيس ولمح ريكارد يتحدث بتأثر دون أن يفهم ما يدور بينهما من حوار وبمجرد خروجه من الغرفة ناداه ليو..
كابتن كابتن، مالك شكلك متغير ، في حاجة حصلت ولا إيه، أنا عارف ان الفريق بيمر بظروف صعبة بس كده كله هيتصلح إن شاء الله.
أنا ماشي يا ليو، خلاص مبقتش المدرب ، النادي استغنى عني، خلي بالك من الفرقة، انت طوق النجاة لكل الناس دي.
