مسلسل ليونيل ميسي (5) | البالون دور ليست صدفة

يقدم لكم موقع بالجول خلال شهر رمضان المبارك قصة حياة الأرجنتيني ليونيل ميسي بشكل سردي مختلف يمزج بين الفصحى والعامية الدارجة، ونتعرف كل يوم خلال الشهر الكريم على اجزاء من حياة البرغوث ونعيش معه أهم لحظاته، فرحته، ومعاناته، نشوته، وكسرته في حلقات منفصلة يومياً.

المشهد الرابع عشر

نهار داخلي – مقر التدريبات

برشلونة قرر التعاقد مع بيب جوارديولا، المدرب الكتالوني المعروف لدى البرشلونيستا لتبدأ حقبة جديدة أقل ما يقال عنها أنها تاريخية.

إقرأ أيضاً: مسلسل ليونيل ميسي (4) |الدجاجة تبيض ذهباً

جوارديولا : النهاردة أول يوم لينا مع بعض يا رجالة، عايزين ننسى كل اللي فات و نركز على اللي جاي، احنا نقدر نخلي الجمهور ينسى كل الكوارث اللي فاتت، امكانياتنا بتقول كده.

المشهد الخامس عشر

ليل داخلي – غرفة الملابس قبل نهائي دوري الأبطال 2009

ميسي : يا رجالة ، النهاردة عن نفسي انا هاكل النجيلة عشان انتقم من الفرقة دي، مستحيل نسيبهم يفوزوا بالبطولة على حسابنا ، كفاية انهم كانوا سبب في ان ريكارد مش معانا النهاردة ولازم نثبت أننا فريق قوي وندوس عليهم.

إنييستا : تمام يا ليو ، كل اللي انت بتقوله مظبوط، ان شاء الله هنكون احنا الابطال.

إقرأ أيضاً: مسلسل ليونيل ميسي (3) | الفراق وتهديد ريال مدريد

و بدأت الحياة تتغير للأفضل ويلمع نجم ميسي بشكل مذهل مع جوارديولا ليحقق الفريق ستة ألقاب في موسم واحد ” السداسية التاريخية ” في 2009 و نجح في حصد اول نسخة من دوري الابطال مع البارسا بعدما رد الضربة لمانشستر يونايتد.

المشهد السادس عشر

ليل خارجي – باريس

ميسي ينجح في حصد الكرة الذهبية لأفضل لاعب في العالم في 2009 متفوقاً على البرتغالي كريستيانو رونالدو وتشافي هيرنانديز.

ميسي للجمهور في القاعة : شكرا ليكم كلكم، شكرا لكل زملائي اللي أنا من غيرهم ما كنتش هوصل لهنا أبداً ، بصراحة أنا مش مصدق كل اللي حصل لكني سعيد وفخور أوي بكل اللي فات.

إقرأ أيضاً: مسلسل ليونيل ميسي (2) | أبواب السماء تفتح من بعيد

و أثناء الخروج من القاعة التقى ميسي بالصدفة وجهاً لوجه مع كريستيانو رونالدو ليخاطبه البرتغالي…

ممم مبـ ..بروك يا ميسي، بس متفكرش انك كده كسبت، دي أول جولة في حرب انت مش هتكون قدها.

ميسي بنظرة ساخرة : هنشوف ، انت مفكر اني وصلت هنا صدفة؟ تبقى غلطان أكيد، هتشوفني تاني وتالت و رابع لحد ما تزهق مني.

https://www.youtube.com/watch?v=FZDi8IpffEo

جميع حلقات مسلسل ليونيل ميسي