مسلسل ليونيل ميسي (8) | تضحية بلا مقابل
يقدم لكم موقع بالجول خلال شهر رمضان المبارك قصة حياة الأرجنتيني ليونيل ميسي بشكل سردي مختلف يمزج بين الفصحى والعامية الدارجة، ونتعرف كل يوم خلال الشهر الكريم على اجزاء من حياة البرغوث ونعيش معه أهم لحظاته، فرحته، ومعاناته، نشوته، وكسرته في حلقات منفصلة يومياً.
المشهد الحادي والعشرون
ليل داخلي – منزل ميسي
ميسي تعافى من اصابته و عاد ليعزف أجمل الألحان مع برشلونة بشكل تدريجي لكن محصلته التهديفية في بقية مباريات الموسم لم تكن كما عود الجمهور.
إقرأ أيضاً: مسلسل ليونيل ميسي (7) | بداية الجانب المظلم في كرة القدم!
و مع دخول كأس العالم 2014 عاد الحلم لرأس ميسي من جديد، الفوز بلقب مع الأرجنتين ، و الجمهور في بلاده يحلم بتلك اللحظة معه.
ميسي يتحدث مع زملائه بعد قرعة مونديال 2014 عبر تطبيق واتس آب.
مجموعتنا حلوة يا رجالة و ان شاء الله نعدي الدور الأول بسهولة، نيجيريا و البوسنة وإيران، عايزين نصعد بأقل مجهود عشان الأدوار الجاية.
إقرأ أيضاً: مسلسل ليونيل ميسي (6) | حلم الجماهير و الواقع المرير
ما تقلقش يا ليو ، أهم حاجة انت بس متنسانيش و باصيلي دايما و أنا هسجل ، انت عارفني.
هههههه .. عارفك آه ، انت هتقولي، ركز يا عم البيبيتا أبوس رجلك، هتودينا في داهية ، خلص الكورة في الجون على طول و بلاش فذلكة.
زاباليتا : ميقلقش مين يا جونزالو، البطولة هتضيع على إيدك ههههه
هيجوايين : ركز انت بس في الدفاع يا عم و ملكش دعوة بالباقي.
إقرأ أيضاً: مسلسل ليونيل ميسي (5) | البالون دور ليست صدفة
و تسير الأمور بشكل جيد مع الأرجنتين في دور المجموعات و في الأدوار الاقصائية حتى وصل التانجو إلى المباراة النهائية.
المشهد الثاني والعشرون
ليل داخلي – غرفة الملابس في البرازيل
ميسي والأرجنتين في وصافة المونديال بعد الخسارة من ألمانيا بهدف دون رد في الوقت الإضافي بعد التعادل بدون أهداف في زمن المباراة الأصلي.
ميسي يتحدث مع زملائه في غرفة الملابس عقب اللقاء ويكاد يبكي بسبب الفشل من جديد.
إقرأ أيضاً: مسلسل ليونيل ميسي (4) |الدجاجة تبيض ذهباً
ميسي : حرام عليكو يا رجالة بجد والله حرام، أعملكم إيه تاني ، دي كانت أسهل بطولة ممكن ناخدها ، ازاي ضاعت كده من إيدينا.
المدرب سابيلا : كله بسبب هيجوايين، أول تلت ساعة ضيع كرتين ما يضيعوش منهم واحدة انفراد مش عارف هو عايز ايه تاني عشان يجيب جول.
هيجوايين يرد بصوت عالي: أنا عملت اللي عليا و حظنا كده بقى!
ميسي بصوت مبحوح: أنا كملت البطولة و أنا مصاب عشان نفوز باللقب في الآخر ، حرام كل ده يحصل والله.